Çin və Rusiya qlobal vəziyyətdən asılı olmayaraq əməkdaşlığı inkişaf etdirəcək

Çin və Rusiya dəyişən beynəlxalq vəziyyətdən asılı olmayaraq koordinasiya və əməkdaşlığı gücləndirəcəklər.

Busaat.az xəbər verir ki, bunu Çinin Xarici İşlər naziri Van Yi Rusiyanın Çindəki səfiri İqor Morqulovla görüşündə bildirib.

“Beynəlxalq vəziyyətdə baş verə biləcək dəyişikliklərdən asılı olmayaraq, iki qonşu Çin və Rusiya strateji etimadı və əməli əməkdaşlığı gücləndirməyə, hərtərəfli strateji tərəfdaşlıq və koordinasiyanı inkişaf etdirməyə, qlobal arenada qərəzsizliyi və ədaləti müdafiə etməyə davam edəcəklər” – deyə, Çin Xarici İşlər Nazirliyindən bildirilib.

Çinin XİN rəhbəri, həmçinin, Morqulovun Rusiyanın Çinə səfiri təyin olunmasını alqışlayıb və ona hərtərəfli dəstək vəd edib.

Busaat.az