Çin və Rusiya bombardmançılarının Yapon dənizi (Şərq dənizi) və Şərqi Çin dənizində təlimlər keçirdiyi bildirilib.
Busaat.az xəbər verir ki, Çinin Hong-6K və Rusiyanın Tupolev və Sukhoi tipli bombardmançı təyyarələrinin Şərqi Çin dənizi və Yapon dənizində birgə təlimləri çərçivəsində Rusiya və Çin təyyarələri bir-birinin hərbi bazalarına eniş ediblər.
Yaponiya Müdafiə Nazirliyi Yaponiyanın milli hava məkanının pozulmadığını açıqlayıb.
Nazirlik bildirib ki, Çin təyyarələri səhər saatlarında Tsusima boğazından Yapon dənizinin şimalına doğru yola düşüb.
Rusiya təyyarələrinin ilk mərhələdə eyni ərazidə cənuba doğru hərəkət etdiyi, daha sonra istiqamətini şimala çevirdiyi qeydə alınıb.
Bildirilib ki, Rusiya və Çin təyyarələrin təlimlərinə cavab olaraq Yaponiya Hava Özünümüdafiə Qüvvələrinə (ASDF) məxsus döyüş təyyarələri bölgədə havaya qalxıb.
Busaat.az
