Çinin şərqində baş verən zəlzələ nəticəsində onlarla insan xəsarət alıb, 126 bina dağılıb.
Busaat.az bu barədə Global Times-a istinadən xəbər verir.
Çin Mərkəzi Hökuməti xilasetmə işlərinə rəhbərlik etmək üçün əraziyə işçi qrupu göndərib.
Pinqyuan adasında 5,5 bal gücündə olan zəlzələ 10 kilometr dərinlikdə baş verib. Şandunqdakı Zəlzələlərə Nəzarət Departamenti 59 zəlzələnin qeydə alındığını, ən böyük maqnitudasının 3,0 olduğunu açıqlayıb.
Qeyd edilir ki, Pinqyuan Xəstəxanasına zəlzələ ilə əlaqədar xəsarət almış 21 xəstə gətirilib.
Hazırda vəziyyəti ağır olan xəstələr yoxdur.
Busaat.az
