Şiddətli yağışların səbəb olduğu daşqından zərər çəkən Çinin Hebey əyalətinin Çjuçjou bələdiyyəsində əhalinin kütləvi təxliyyəsi aparılır.
Busaat.az xəbər verir ki, bu barədə Çin Radiosu məlumat yayıb.
Məlumata görə, Çjuçjou son günlər yağan leysan yağışlarından çox təsirlənən ərazidir.
Avqustun 1-nə olan məlumata görə, şəhəri əhatə edən 146 kənddən 133 min 913 nəfər seldən zərər çəkib. Sakinlər daha hündür yerə köçərək, xilaseediciləri gözləyir. Su basmış 100-dən çox kənddən 125 min insan təxliyə edilib.
Şimali Çinin digər alçaq ərazilərində də təxliyə işləri aparılır.
Busaat.az
