Çindən Rusiya bəyanatı: “Münasibətlərimiz qaya kimi möhkəmdir”

 Çin-Rusiya münasibətləri qaya kimi möhkəmdir.

Busaat.az xəbər verir ki, bunu Çin Xarici İşlər Nazirliyinin sözçüsü Zhao Lijian deyib.

Rusiya ilə Çin arasındakı münasibətlərin faydalı və möhkəm olduğunu qeyd edən Zhao Lijian, bu münasibətlərin başqalarına qarşı yönəlmədiyini və qarşılıqlı hörmət və etimada əsaslandığını bildirib.

“Sizə deyə bilərəm ki, Çin-Rusiya münasibətləri möhkəmdir. Yeni dövrdə bir-birinin ən böyük qonşuları və hərtərəfli strateji tərəfdaşları olan Çin və Rusiya bloklarla müttəfiq olmayacaq, üçüncü tərəflərlə toqquşmayacaq və onları hədəf almayacaq. Hər iki tərəf qarşılıqlı hörmət, bərabərlik və qarşılıqlı fayda əsasında ikitərəfli münasibətlərin və müxtəlif sahələrdə əməkdaşlığın inkişaf etdirilməsi prinsiplərinə həmişə ciddi şəkildə riayət etmişdir” – deyə, Zhao deyib.

“Çin Rusiya tərəfi ilə əməkdaşlıq etməyə hazırdır. ikitərəfli münasibətlərin düzgün istiqamətdə sabit irəliləyişi bizim hədəfimizdir” – deyə, çinli diplomat əlavə edib. Zhao vurğulayıb ki, Çin dinc yanaşı yaşamanın beş prinsipinə sadiq qalacaq, digər ölkələrlə dostluq və əməkdaşlığı inkişaf etdirəcək, yeni tip beynəlxalq münasibətlərin qurulmasını dəstəkləyəcək, böyük dövlətlər arasında koordinasiya və müsbət qarşılıqlı fəaliyyətə kömək edəcək.

Busaat.az