Çini Şimali Koreya təhdidlərinin qarşısını almaqda “konstruktiv rol” oynamağa çağırırıq - Cənubi Koreya

Cənubi Koreyanın xarici işlər naziri Park Jin Çini Pxenyanın bu həftə qitələrarası ballistik raket buraxmasından sonra Şimali Koreyadan gələn təhdidlərin qarşısını almaqda “konstruktiv rol” oynamağa çağırıb.

Busaat.az xəbər verir ki, bu barədə Reuters məlumat yayıb.

Bu bəyanat Cənub-Şərqi Asiya Millətləri Assosiasiyasının (ASEAN) sessiyası çərçivəsində Cakartada çinli diplomat Vanq Yi ilə görüşündə verilib və burada Park raket buraxılışını “qətiyyətlə pisləyib”.

Nazirin sözlərinə görə, Seul və Pekin Şimali Koreyanın təxribatlarını dayandırmasında və dialoqa qayıtmasında maraqlıdır.

O, bildirib ki, indi Çin tərəfinin Koreya yarımadasında sülh və sabitliyin təmin edilməsində konstruktiv rol oynaması həmişəkindən daha vacibdir.

Uzun illərdir ki, BMT Təhlükəsizlik Şurasında Pxenyana münasibətlə bağlı fikir ayrılıqları olub.

Çin və Rusiya sanksiyaların sərtləşdirilməsinin gərginliyi azalda bilməyəcəyini deyir və Vaşinqton isə Pekin və Moskvanı Şimali Koreyanı təşviq etməkdə ittiham edir.

Busaat.az