Çinin bərpa olunan enerji potensialı bu ilin 11 ayında artıb

Çinin bərpa olunan enerji tutumu 2022-ci ilin 11 ayında keçən ilin eyni dövrü ilə müqayisədə artıb.

Busaat.az xəbər verir ki, Çin Milli Enerji Administrasiyası yanvar-noyabr dövründə günəş enerjisi tutumunun illik bazda 29,4 faiz artaraq 370 milyon kilovat-saata, külək enerjisinin isə 15,1 faiz artımla 350 milyon kilovat-saata çatdığını bildirib.

Sözügedən dövrdə elektrik enerjisinin ümumi istehsal gücü 8,1 faiz artaraq 2,51 milyard kilovat-saata çatıb.

Ümumi elektrik enerjisi istehsalında günəş enerjisinin payı 14,7 faiz, külək enerjisinin payı isə 13,9 faiz təşkil edib.

İqlim hədəflərinin bir hissəsi olaraq Çin 2030-cu ilə qədər karbon emissiyalarını azaltmağı və 2060-cı ilə qədər “karbon neytral” olmağı hədəfləyir.

Busaat.az