Çinin ixracı azalıb

Oktyabr ayında Çində ixrac 2020-ci ilin May ayı ilə illik müqaisədə azalıb. Bu iki il ərzində ilk azalmadır.

Busaat.az xəbər verir ki, bu barədə Çinin Gömrük Baş İdarəsindən məlumat verilib.

Məlumata görə Oktyabr ayında ixrac bir əvvəlki ilin eyni dövrünə görə 0,3% azalaraq 298,37 milyard dollara geriləyib.
İxracın azalmasına səbəb kimi dünyada tələbin azalmasının, eləcə də Çində Covid-19 tədbirlərinin tədarük zəncirlərində yaratdığı problemlər göstərilib.

İdxal isə Oktyabr ayında əvvəlki ilin eyni dövrünə görə 0,7% azalaraq 213,22 milyard dollara geriləyib.

Xarici ticarət məlumatları və iqtisadi göstəricilər canlanmanın müşahidə edildiyini göstərsə də, illik göstəricilərdə nəzərə çarpan azalmalar hökumətin bu il üçün 5,5% civarında proqnozlaşdırdığı artım hədəfinə çatıb-çatmayacağını qeyri-müəyyən edir.

Qeyd edək ki, Çin iqtisadiyyatında ilk üç rüb üçün 3% artım qeydə alınıb.

Busaat.az