Çin Xalq Azadlıq Ordusunun (ÇXO) Qərb Bölgəsinin komandanı general Vanq Haijiang Kommunist Partiyası məktəbinin rəsmi qəzeti olan “Study Times” üçün məqalə yazıb.
Çin ordusunun hibrid müharibə taktikalarına hazır olması lazım olduğunu qeyd edən Vanq Haijiang deyib: “Ukraynadakı vəziyyət münaqişələrin ən fərqli bölgələrdə baş verdiyini göstərdi”.
Vanq qeyd edib ki, Çin öz strateji qüvvələrini “daha yaxşı inteqrasiya etməli” və “hərbi döyüşə” tam hazır olmalıdır.
“Çünki Qərbin təzyiqi və nəzarəti hər an güclənə bilər”, – Vanq bildirib.
Ukraynada müharibənin başlamasından sonra yeni bir “hibrid müharibə” formasının ortaya çıxdığını qeyd edən Vanq əlavə edib: “Hərbi münaqişələr siyasi, maliyyə, texnoloji, kiber-məkan və idrak sahəsindəki müharibələrlə iç-içədir. Çinin strateji qüvvələrində bu sahələrdə inteqrasiyanı sürətləndirmək lazımdır”.
Vanq daha sonra bildirib: “Hərbi qüvvələr çəkindirmə qabiliyyətini artırmaq üçün qabaqcıl texnologiyalardan tam istifadə etməlidir”.
Busaat.az
