Çin hakimiyyəti xaricdə qondarma “gizli polis məntəqələri”nin mövcudluğunu inkar edir.
Busaat.az xəbər verir ki, bunu Çin Xarici İşlər Nazirliyinin sözçüsü Mao Ning cümə axşamı keçirdiyi brifinqdə deyib.
“Çin beynəlxalq hüquq normalarına əməl etdiyi və hər bir xalqın suverenliyinə hörmət etdiyi üçün başqa ölkələrin işlərinə qarışmamaq prinsipinə sadiq qalır. Haqqında danışdığınız xarici polis mərkəzləri yoxdur” – deyə, diplomat qeyd edib.
Qeyd edək ki, çərşənbə axşamı Yonhap agentliyi Cənubi Koreyanın hüquq-mühafizə orqanlarına istinadən xəbər verib ki, Cənubi Koreya hakimiyyəti xaricdə fəaliyyət göstərdiyi və müxaliflərə casusluq etdiyi iddia edilən “gizli Çin polis idarəsi”nin mövcudluğu ilə bağlı xəbərlərlə qarşılaşıb. Yonhap-ın məlumatına görə, bu məlumat təsdiqlənərsə, ikitərəfli münasibətlərə xələl gətirə bilər.
Busaat.az
