Çinlə birbaşa dialoqa ehtiyacımız var - Makron

Avropa Ukrayna məsələsində Çinlə dialoq qurmalıdır.

Busaat.az xəbər verir ki, bu sözləri Fransa prezidenti Emmanuel Makron Çində frankofon icması qarşısında çıxış edərkən bildirib.

Fransa prezidenti Aprelin 5-də Avropa Komissiyasının rəhbəri Ursula fon der Leyenin müşayiəti ilə Çinə səfər edib. Onun səfəri aprelin 8-dək davam edəcək.

“BMT nizamnaməsinin prinsiplərinə sadiq qalaraq, biz sülhə gedən yol tapmağa çalışmalıyıq. Çin “B planı” təklif etdi və biz bunu alqışladıq. Bu, tam şəkildə həyata keçirilə bilərmi? Xeyr. Amma burada söhbət məsuliyyətdən və sülhə aparan yolu qurmaq istəyindən gedir”,- Makron deyib.

Qeyd edək ki, Çin Xarici İşlər Nazirliyi daha əvvəl bildirmişdi ki, prezident Si Tsipin və Makron Çin və Fransa, eləcə də Çin və Aİ arasında müxtəlif sahələrdə əməkdaşlığı dərinləşdirmək üçün danışıqlar aparacaqlar.

Öz növbəsində Yelisey Sarayı bildirib ki, ümumilikdə Fransa prezidenti Çin lideri ilə müzakirələrə altı-yeddi saat vaxt sərf edəcək.

Busaat.az