ABŞ Prezidenti Donald Tramp Çinə qarşı ciddi ittihamla çıxış edib.
Busaat.az Oxu.Az-a istinadən xəbər verir ki, Tramp Pekinin ABŞ ilə bağlanmış ticarət sazişini pozduğunu iddia edib.
“İki həftə əvvəl Çin ciddi iqtisadi təhlükə ilə üz-üzə idi! Tətbiq etdiyim çox yüksək rüsumlar Çinin ABŞ bazarında ticarətini praktiki olaraq qeyri-mümkün etmişdi. Biz Çin ilə soyuq müharibəyə girdik, bu, Pekin üçün dağıdıcı oldu. Daha sonra Çinin iqtisadiyyatını xilas etmək üçün mən Çin ilə ticarət müqaviləsi bağladım. Lakin Pekin ABŞ qarşısında götürdüyü öhdəlikləri pozdu”, – deyə Tramp sosial şəbəkədəki çıxışında bildirib.
Xatırladaq ki, aprel ayında Tramp Çin də daxil olmaqla, onlarla ölkəyə ticarət rüsumları tətbiq etmişdi. Üstəlik, Pekin ən yüksək rüsumlarla reytinqdə lider mövqe tuturdu. ABŞ-nin hərəkətləri nəticəsində Çin də rüsumları qaldırdı. Nəticədə rüsumlar 145%-ə qədər artıb və artmaqda davam edir.
