Co Baydenə xərçəng diaqnozu qoyuldu

ABŞ prezidenti Co Baydenin həkimi ötən ay prezidentin döş qəfəsindən biopsiya ilə alınan zədənin xərçəng olduğunu, lakin müalicə tələb etmədiyini açıqlayıb.

Busaat.az xəbər verir ki, Ağ Ev Baydenin döş qəfəsindəki lezyon üçün fevralın 16-da aparılan biopsiyanın nəticəsi ilə bağlı doktor O’Connor-un hesabatını açıqlayıb.

O’Connor biopsiya lezyonunun bazal hüceyrəli karsinoma adlanan bir dəri xərçəngi növü olduğunu qeyd edərək, “Bütün xərçəng toxumaları uğurla çıxarıldı”, – deyib.

Biopsiya yerinin ətrafının da elektrodesikasiya ilə müalicə edildiyini izah edən O’Konnor əlavə müalicəyə ehtiyac olmadığını bildirib.

Digər tərəfdən, həkim qeyd edib ki, bu zədələr ölçüdə böyümək potensialına malikdir. Biopsiya yerinin sağaldığını deyən O’Connor, prezidentin vəziyyətinin rutin yoxlamaları çərçivəsində izlənəcəyini bildirib.

Busaat.az