Çoxlarının bəyəndiyi qoxu

Oksford Universiteti və İsveçin Karolinska İnstitutundan olan bir qrup elm adamı dünyanın müxtəlif yerlərindən olan insanların və mədəni qrupların əksəriyyətinə xoş gələn bir qoxu adlandırıb. Ən xoş qoxu isə vanil qoxusudur. Bu barədə “Current Biology” jurnalında dərc olunub.

Əvvəllər ekspertlər hesab edirdilər ki, müxtəlif qrupların mədəni mənşəyi qoxuların qəbulunda əsas rol oynayır. Ancaq yeni bir araşdırma bu nəzəriyyəni təkzib edir. Alimlər harada doğulmasından asılı olmayaraq bütün insanların bəyəndiyi ətirlər tapıblar. Bunların arasında vanil və etil butiratın ətri var. Alimlər həmçinin izovalerik turşunun qoxusunu (pendirdə, soya südündə, alma şirəsində və ayaq tərində olur) ən xoşagəlməz qoxu kimi müəyyən ediblər.