Dağıntılar altında qalan azərbaycanlı tələbələr xilasedicilərə cavab verib.
Busaat.az xəbər verir ki, bu barədə Həbib Müntəzir bildirib:
“Malatyadakı zəlzələ nəticəsində dörd azərbaycanlı tələbənin dağıntılar altında qaldığı bildirilirdi. Bunlar Samir Quliyev, Şahin Verdiyev, Hümam İsmayıllı və Gündüz Nəzərzadədir. Xilasedicilər tələbələri səsləyiblər. Onlar da adlarını sayaraq salamat olduqlarını bildiriblər. Xilasetmə işləri davam edir”.
***
Tələbələrdən biri- Hümam İsmayıllının xilas edildiyi və hazırda xəstxanaya aparıldığı bildirilir.
***
Türkiyənin Malatya şəhərində xilasedicilər 4 azərbaycanlı tələbə – Samir Quliyev, Şahin Verdiyev, Hümam İsmayıllı və Gündüz Nəzərzadəni dağıntılar altından çıxarıblar.
Bu barədə “Report” Türkiyə mətbuatına istinadən xəbər verir.
Qeyd edilir ki, xilasedicilər dağıntılar altında olan tələbələrimizin adlarını səsləyiblər, onlar cavab veriblər. S.Quliyev, Ş.Verdiyev, H.İsmayıllı və G.Nəzərzadə Malatyadakı İnönü Universitetinin tələbələridir.
