Argentina, Misir, İran, Birləşmiş Ərəb Əmirlikləri və Səudiyyə Ərəbistanı BRİKS-in yeni üzvləri olacaq.
Busaat.az xəbər verir ki, bu barədə Braziliyanın UOL xəbər portalı məlumat yayıb.
Mənbənin sözlərinə görə, coğrafi amil əsas seçim meyarları arasında olub. Qrup daxilində regional tarazlığı qorumaq üçün seçimlər edilib. Prinsipə uyğun olaraq, hazırda daha bir Afrika ölkəsinin üzvlük məsələsi nəzərdən keçirilir.
Braziliya hökuməti də İndoneziyanı BRİKS üzvü kimi görmək istəyir, lakin ölkə hələ qrupa qoşulmağa hazır deyil.
2023-cü il BRİKS sammiti 22-24 avqust tarixlərində Cənubi Afrikanın Yohannesburq şəhərində keçiriləcək. Ölkənin xarici işlər naziri Naledi Pandor, daha əvvəl liderlərin yeni üzvlərin qəbulu ilə bağlı razılığa gəldiklərini və üzvlük prinsiplərini, tələblərini və prosedurunu müəyyən edən sənədi təsdiqlədiklərini söylədi.
