
Daha bir ölkədə 7,6 bal gücündə zəlzələ baş verib
Sakit okeanda ada ölkəsi olan Tonqada 7,6 bal gücündə zəlzələ baş verib.
Busaat.az xəbər verir ki, ABŞ Geoloji Xidməti (USGS) 7,6 bal gücündə zəlzələnin episentrinin Niuatoputapu adasının Hihifo bölgəsindən 95 kilometr şimal-qərbdə olduğunu açıqlayıb.
İlk təsbitlərə görə, 210 kilometr dərinlikdə baş verən zəlzələdə can və ya mal itkisi olmayıb.
Sözügedən zəlzələdən sonra Hihifodan 71 kilometr şimal-qərbdə də 5,1 bal gücündə zəlzələ qeydə alınıb.
Zəlzələdən sonra sunami xəbərdarlığı verilməyib.
Busaat.az























