Son dövrlər Türkiyə diplomatiyasının ən mühüm gündəm maddələrindən biri olan Rusiyanın vasitəçiliyi ilə Suriyayla normallaşma istiqamətində üfüqdə heç bir irəliləyiş yoxdur.
Busaat.az xəbər verir ki, “Cumhuriyet”in diplomatik mənbələrdən əldə etdiyi məlumata görə, dünən Rusiyanın paytaxtı Moskvada keçirilməsi gözlənilən Türkiyə-Suriya-Rusiya-İran xarici işlər nazirlərinin müavinləri səviyyəsində görüş təxirə salınıb.
Mənbələr danışıqların “texniki səbəblərə” görə təxirə salındığını qeyd edib. Bu görüşlərin daha sonra keçirilməsi gözlənilən xarici işlər nazirləri səviyyəsində görüş üçün ilkin mərhələ olması planlaşdırılırdı.
Ankara ilə Dəməşq arasında 11 ildən sonra ilk birbaşa təmas çərçivəsində Türkiyə, Suriya və Rusiya müdafiə nazirləri və kəşfiyyat rəhbərləri 2022-ci ilin dekabrında Moskvada üçtərəfli görüşlər keçiriblər. Prezident Rəcəb Tayyib Ərdoğan daha əvvəl “əvvəlcə müdafiə nazirləri, sonra xarici işlər nazirləri və nəhayət liderlər bir araya gələcək” deyərək görüşün yol xəritəsini cızmışdı.
Busaat.az
