Suriya ərəb dünyası ilə münasibətlərini yaxşılaşdırmaq üçün heç bir şərt qoymur.
Busaat.az xəbər verir ki, bunu Suriyanın xarici işlər naziri Faysal Mekdad bazar ertəsi Əlcəzairdə deyib.
Əlcəzairin paytaxtında o, prezident Əbdülməcid Tebbun və xarici işlər naziri Əhməd Ataf ilə görüşüb. Tərəflər əlaqələrin bütün sahələrdə inkişafı müzakirə ediblər.
“Suriya bölgənin üzləşdiyi problemlərlə mübarizə aparmaq üçün ərəb ölkələri ilə normal və dostluq münasibətlərinə ümid edir. Dəməşq ərəb dünyası ilə münasibətlərini normallaşdırmaq üçün hər hansı şərtlər irəli sürmür”, – Mekdad bildirib.
Busaat.az
