Dəniz Baykal vəfat etdi

Türkiyənin tanınmış siyasətçisi və dövlət xadimi, Cümhuriyyət Xalq Partiyasının (CHP) keçmiş sədri Dəniz Baykal vəfat edib.

Busaat.az xəbər verir ki, bu barədə “TRT Haber” məlumat yayıb.

CHP sədri Kamal Kılıçdaroğlu bununla bağlı sosial media hesabında yazıb:

“Sədrimiz, Türkiyə və Cümhuriyyət Xalq Partiyasının sevdalısı, Antalya millət vəkilimiz, dəyərli ağsaqqalımız Dəniz Baykalın vəfatını böyük kədər hissi ilə öyrəndim. O, bizə mübarizələrlə dolu bir həyat hekayəsi qoyub getdi. Millətimizə başsağlığı veririk”.

Qeyd edək ki, 20 iyul 1938-ci ildə Antalyada dünyaya gələn Dəniz Baykal 84 yaşında dünyasını dəyişib. O, 1992-1995, 1995-1999 və 2000-2010-cu illərdə Cümhuriyyət Xalq Partiyasının (CHP) sədri olub. 1974-cü ildə maliyyə naziri, 1978-1979-cu illərdə enerji və təbii sərvətlər naziri, 1995-1996-cı illərdə baş nazirin müavini və xarici işlər naziri olan Dəniz Baykal 11 dəfə deputat seçilib. O, həmçinin 2015-ci ildə qısa müddət Türki Böyük Millət Məclisinin sədri vəzifəsini tutub.

Qaynarinfo

Genel Başkanımız, Türkiye ve Cumhuriyet Halk Partimizin sevdalısı, Antalya milletvekilimiz, kıymetli büyüğümüz Sayın Deniz Baykal’ın vefatını büyük bir üzüntü ile öğrendim. Bize mücadelelerle dolu bir hayat öyküsünü miras bıraktı. Milletimizin başı sağ olsun.

— Kemal Kılıçdaroğlu (@kilicdarogluk) February 11, 2023