Dnestryanının “lideri” ABŞ-ni planlaşdırılan terror aktının təhqiqatına qoşulmağa dəvət edib
Tanınmamış Dnestryanı bölgənin “prezidenti” Vadim Krasnoselski ABŞ-nin Moldovadakı səfiri Kent Loqsdonla videobağlantı vasitəsilə Tiraspolda ATƏT-in nümayəndə heyətinə qarşı planlaşdırılmış terror aktının təhqiqatına qoşulmağa dəvət edib.
Busaat.az xəbər verir ki, bu barədə Vadim Krasnoselskinin mətbuat xidməti bildirib:
“PMR-nin (Pridnestroviya Moldova Respublikası – red.) prezidenti Dnestryanı hüquq-mühafizə orqanları tərəfindən aparılan istintaqın şəffaflığını vurğulayaraq Federal Təhqiqatlar Bürosunun (FBİ) mütəxəssislərini tədqiqata cəlb etməyi təklif edib”.
“FBİ əməkdaşlarına toplanmış sübutlarla çıxış etməyə və istintaqın sənədlərinin hərtərəfli nəzərdən keçirilməsinə kömək etməyə hazırıq”, – mətbuat xidməti əlavə edib.
