Busaat.az xəbər verir ki, ABŞ-ın keçmiş prezidenti Donald Tramp Corciya ştatının Fulton qraflığında həbs prosedurundan keçdikdən sonra baş verənləri ədalətsizlik adlandırıb.
“Burada baş verənlər ədalətin alçaldılmasıdır. Mən heç bir səhv etməmişəm. Mənə qarşı qaldırılan cinayət ittihamlarını seçkilərə müdaxilə hesab edirəm. Bizim vicdansız olduğunu düşündüyümüz seçkiyə etiraz etmək üçün hər bir haqqımız var”, – eks prezident söyləyib.
Qeyd edək ki, Tramp seçkiyə müdaxilə iddiasında rəsmi həbs proseduru üçün daha əvvəl təslim olub, iyirmi dəqiqəyə yaxın orada qalıb.
