Doqquz ölkə Ukraynaya 150 Leopard tankı göndərməyə söz verib – ABŞ Müdafiə Naziri

image-pentaqonbackend

Doqquz ölkə Ukraynaya 150 Leopard tankı göndərmək öhdəliyi götürüb.

Busaat.az xəbər verir ki, bunu ABŞ-nin müdafiə naziri Lloyd Ostin Ukraynaya hərbi yardım üzrə təmas qrupunun onlayn iclasında bildirib.

“Ukraynaya Leopard tankları bağışlayan ölkələrin koalisiyası böyüməyə davam edir. Doqquz ölkə indi 150-dən çox Leopard tankı verməyi öhdəsinə götürüb”, – o deyib.

Nazir əlavə edib: “Bir çox başqa ölkələr Ukraynaya qısa mənzilli hava hücumundan müdafiə sistemi təqdim edib”.

“Biz indi Ukraynanın azadlığı uğrunda mübarizənin həlledici anındayıq. Biz hamımız davamlı qətiyyət və birliyimizi nümayiş etdirməliyik. Bu, öhdəliklərimizi tam və sürətlə yerinə yetirmək deməkdir”, – müdafiə naziri bildirib.

O, həmçinin Ukraynaya göndərilən sursat və hava hücumundan müdafiə sistemlərinin həcmini artırmağa çağırıb.

Pentaqonun məlumatına görə, Rusiyanın hərbi təcavüzü başlayandan bəri ABŞ Ukraynaya 32 milyard dollardan çox vəsait ayırıb. Rusiyanın xarici işlər naziri Sergey Lavrov və digər Rusiya rəsmiləri göndərilən silahların digər bölgələrə yayılması təhlükəsi barədə xəbərdarlıq ediblər. Rusiyanın ABŞ-dəki səfiri Anatoli Antonov xəbərdarlıq edib ki, Qərbin Ukraynanı hərbiləşdirməsi birbaşa Avropa və qlobal təhlükəsizliyi təhdid edir.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90