"Dost ölkələrlə əlaqələri davam etdirəcəyik" - Mişustin

İndiki vəziyyətdə Rusiya Çin və əməkdaşlığa hazır olan digər ölkələrlə münasibətləri inkişaf etdirməyə davam edəcək.

Busaat.az xəbər verir ki, bunu Rusiyanın baş naziri Mixail Mişustin Şanxayda keçirilən Rusiya-Çin Biznes Forumunda bildirib.

“Ölkəmiz dinamik inkişaf edən bazarlara baxır. Biz dünyanın sürətlə inkişaf edən iqtisadiyyatları ilə ticarəti genişləndirmişik. Bu sözlər bizim böyük dostumuz Çinə tamamilə aiddir”, – nazir deyib.

O bildirib ki, ötən il Rusiyanın xarici ticarəti 8 faizdən çox artaraq 850 milyard dollara çatıb, ixrac isə təxminən 20 faiz artıb.

“Biz dost ölkələrlə əlaqələri davam etdirəcəyik. Bu, prezident Vladimir Putinin bu il üçün nəzərdə tutduğu altı əsas vəzifədən biridir”, – Mişustin sözlərini yekunlaşdırıb.

Busaat.az