Birləşmiş Ərəb Əmirliklərinin Dubay şəhərində yerləşən və dünya miqyasında tanınan Dubay Beynəlxalq Hava Limanının (DXB) bağlanacağı açıqlanıb.
“Busaat.az” “Newsroom.kz”a istinadən xəbər verir ki, ildə 90 milyondan çox sərnişinə xidmət göstərən hava limanının resursları tükəndiyi üçün bu qərar verilib.
Məlumata görə, 1960-cı ildə istifadəyə verilmiş DXB-nin infrastrukturu artıq maksimum gücündə çalışır və modernləşdirmə iqtisadi cəhətdən səmərəli sayılmır.
Qeyd edək ki, 2010-cu ildən fəaliyyət göstərən və genişləndiriləcək DWC 140 kvadrat kilometr ərazini əhatə edəcək. Yeni hava limanı ildə 260 milyon sərnişin qəbul edə biləcək, 5 uçuş-enmə zolağı, 400 çıxış qapısı və illik 12 milyon ton yük emalı gücünə malik olacaq.
Bildirilib ki, keçid mərhələli şəkildə həyata keçiriləcək və 2032-ci ildən sonra bütün reyslər, o cümlədən çarter uçuşları DWC-yə yönləndiriləcək. DXB hələlik fəaliyyətini davam etdirəcək.
Nərmin Səmidova
