Dünya Bankı və BMT Ukraynanın enerji və qaz infrastrukturuna dəyən ziyanı açıqlayıb

Ukraynanın energetika, qaz və istilik infrastrukturlarına dəymiş ziyan 10 milyard dollardan artıqdır.

Busat.az xəbər verir ki, bu  barədə Dünya Bankı və Birləşmiş Millətlər Təşkilatının İnkişaf Proqramının (BMT) ümumi qiymətləndirməsində qeyd olunub.

BMT-nin İnkişaf Proqramının mətbuat xidməti qeyd edib ki, təcili təmir üçün Ukraynaya ən azı 1,2 milyard dollar vəsait ayrılmalıdır:

“Enerji sektoru ən böyük itki ilə üzləşib. Bu itki təxminən 6,5 milyard dollardır. Atom elektrik stansiyalarının zərəri isə 770 milyon dollar təxmin edilir”.

Qeyd olunub ki, qışda mənfi temperatur şəraitində yaşayış məntəqələri həftələrlə işıqsız qalıb, ona görə də təcili olaraq növbəti qış üçün fövqəladə vəziyyət planı hazırlamaq lazımdır. Təşkilat fövqəladə tədbirlərin təxminən 1 milyard dollara başa gələ biləcəyini proqnozlaşdırır.

Busaat.az