Dünya hara gedir?

Dəyişiklik istəməyənlər belə “yeni tərzdə” yaşamalı olacaq. Belə ki, məşhur rus iqtisadçısı, akademik Sergey Qlazyev inflyasiyanın və devalvasiyanın sürətlənməsinə səbəb olan əsas səbəblərdən bəhs edib.

Busaat.az xəbər verir ki, alimin fikrincə, mənfi ssenarinin özəyi iqtisadi inkişafın yanlış yolunun seçilməsidir.

Professor vurğulayıb ki, istənilən makroiqtisadi sabitliyi təmin edə bilən müasir iqtisadi inkişafın əsasını elmi-texniki tərəqqi təşkil edir.

“Yüksək artım tempinə və aşağı inflyasiyaya malik olmaq istəyiriksə, yeni texnologiyalar tətbiq etməli, xərcləri azaltmalı, rəqabət qabiliyyətini artırmalıyıq. Bu da milli valyutanı gücləndirəcək.Öz növbəsində elmi-texniki tərəqqinin baş verməsi üçün sərmayələrin kreditləşdirilməsi zəruridir. Bu sahədə addımlar atılmadan heç bir inkişaf ola bilməz. Pul-kredit orqanlarımız real sektorun investisiyalara kredit verilməsini kəsdikdə uzunmüddətli staqflyasiya tələsi yaranır. Yəni, iqtisadi tənəzzül və iqtisadiyyatın depressiya vəziyyətinin qiymət artımı ilə birləşdiyi vəziyyət formalaşır”, – deyə rus professor qeyd edib.

Busaat.az