Dünyanın ən böyük qızıl mədən şirkəti, ABŞ-da yerləşən Newmont, Avstraliyalı rəqibi Newcrest-in səhmlərini təxminən 24 milyard Avstraliya dollarına (17 milyard dollar) almaq istəyib.
Busaat.az xəbər verir ki, bu barədə Financial Times məlumat yayıb. Dealogic maliyyə bazarları platformasına görə, sövdələşmə bu il rekord bir M&A sövdələşməsi kimi tarixə keçə bilər.
Newmont Newcrest üçün onun səhmlərinin dəyərindən 21 faiz baha çox qiymət təklif edib. Lakin mümkün satınalma xəbərləri ortaya çıxdıqdan sonra Newcrest-in səhmləri fevralın 6-da ticarətdə 9,3 faiz bahalaşıb. Eyni zamanda, Newmont qiymətli kağızları fevralın 3-də 4,92 faiz ucuzlaşıb və fevralın 6-da premarket ticarətində 6 faiz ucuzlaşmağa davam edib.
Müqavilə baş tutsa, Newmont birləşmiş şirkətin 70 faizinə, Newcrest isə 30 faizinə nəzarət edəcək. Əgər plan olduğu kimi davam etsə, Avstraliyadakı beş qızıl mədənindən dördü bu vahid şirkətə məxsus olacaq.
Newcrest təklifi nəzərdən keçirəcəyini söyləyib. Şirkət xatırladıb ki, daha əvvəl onun dəyəri çox aşağı olduğu üçün başqa bir satın alma təklifini rədd edib. Bununla belə, Allan Grey-in (Newcrest-in ən böyük səhmdarı) baş investisiya direktoru Saymon Mohinney artıq indiki müqaviləni dəstəkləməyəcəyini söyləyib. Çünki Newmont avstraliyalı rəqibini çox ucuz qiymətləndirib.
Newcrest, 1960-cı illərdə Nyumontun özü tərəfindən Avstraliya təmsilçisi olaraq təsis edilmişdir. Lakin Newcrest 1990-cı ildə BHP və Australmin Holdings mədənçilərinin qızıl aktivlərini aldıqdan sonra ayrı bir şirkət olaraq ayrılıb. Potensial razılaşma şirkətləri 30 ildən çox müddət sonra yenidən birləşdirə bilər.
