Efiopiyada sement fabrikindən 20 işçi oğurlandı

Efiopiyada  sement fabrikinda çalışan 20 işçi naməlum silahlı şəxslər tərəfindən qaçırılıb.

Busaat.az xəbər verir ki, Oromiya əyalətinin West Shewa rayonundakı Danqote Sement Zavodunda son bir ayda baş verən ikinci adam qaçırma hadisəsidir.

Şahidlərin sözlərinə görə, fabrikə daxil olan silahlı şəxslər huşunu itirmiş bir nəfər və 2 mühafizəçi istisna olmaqla, fabrikdəki hər kəsi qaçırıblar.

Şirkətdən hadisə ilə bağlı hələlik açıqlama verilməyib.

Qeyd edək ki, Afrikanın ən zəngin nigeriyalı iş adamı Aliko Danqoteyə məxsus şirkət qitənin müxtəlif ölkələrində fəaliyyət göstərir.

Busaat.az