Əfqanıstan və Pakistan sərhəd qüvvələri arasında yenidən toqquşma baş verdi

Əfqanıstan və Pakistan sərhəd qüvvələri arasında vaxtaşırı silahlı qarşıdurmaların yaşandığı Spin Boldak Sərhəd Qapısı bölgəsində səhər saatlarında yenidən toqquşmalar baş verib.

Busaat.az xəbər vverir ki, Taliban administrasiyasının Spin Boldak Sərhəd Qüvvələrinin komandanı Mövləvi Məhəmməd Haşim Mahmud mətbuata verdiyi açıqlamada münaqişənin davam etdiyini, lakin tərəflərin münaqişənin sona çatması üçün danışıqlar apardığını bildirib.

Mahmud hadisə ilə bağlı əlavə təfərrüatlara toxunmayıb.

Spin Boldak Xəstəxanası səlahiyyətliləri, indiyədək xəstəxanaya 2 yaralının gətirildiyini bildirib.

Tərəflər arasında sonuncu silahlı qarşıdurma dekabrın 11-də baş verib. Əfqanıstan tərəfdən 1 Taliban üzvü ölüb, 6-sı yaralanıb.

Hadisə nəticəsində 3 mülki vətəndaşın yaralandığı bildirilib.

Pakistan tərəfdən isə 6 mülki vətəndaşın həyatını itirdiyi, 17 mülki vətəndaşın yaralandığı açıqlanıb.

Busaat.az