Əfqanıstan yenidən qarışır: Kabildə Çin otelinə silahlı hücum olub
Əfqanıstanın paytaxtı Kabildə çinlilərin qaldığı otelə silahlı və bombalı hücum olub.
Busaat.az xəbər verir ki, hadisə şəhərin Nev bölgəsində yaşanıb.
Hücum edənlərin otelə girərək təsadüfi atəş açmağa başladığı öyrənilib.
Partlayış və atəş səslərinin eşidildiyi bölgəyə çoxlu sayda Taliban üzvü göndərilib.
Taliban üzvləri otelə gedən bütün küçəni nəqliyyatın hərəkətinə bağlayıb.
Hələlik heç kim hücuma görə məsuliyyəti üzərinə götürməyib.
İnsident zamanı itkilərin olub-olmaması ilə bağlı əlavə məlumat verilməyib.
Busaat.az
