
Əfqanıstanda mədrəsədə partlayış: 10 tələbə həlak oldu
Əfqanıstanın şimalında yerləşən Samanqan əyalətindəki mədrəsələrin birində günorta namazı zamanı partlayış baş verib.
Busaat.az xəbər verir ki, partlayışda ilkin məlumatlara görə, azı 10 tələbə həlak olub.
Taliban müvəqqəti hökumətinin Daxili İşlər Nazirliyinin sözçüsü Əbdül Nafi Takor mətbuata verdiyi açıqlamada, Samanqan vilayətinin mərkəzi rayonu Aybəkdəki Cihadiyə mədrəsəsində günorta namazı zamanı partlayış baş verdiyini bildirib.
Takor partlayışda ən az 10 şagirdin həyatını itirdiyini, çox sayda tələbənin isə yaralandığını açıqlayıb.
Hadisə yerinə ilk tibbi yardım qrupları göndərilib. Hələlik heç kim partlayışa görə məsuliyyəti üzərinə götürməyib.
Busaat.az























