Əfqanıstanda qar və soyuq səbəbiylə 70 nəfər həyatını itirdi

Əfqanıstanda son günlər artan soyuq hava şəraiti səbəbindən həyatını itirənlərin sayının 70-ə çatdığı bildirilib.

Busaat.az xəbər verir ki, bu barədə Talibanın müvəqqəti hökumətinin Təbii Fəlakətlər üzrə Dövlət Nazirliyi mətbuata açıqlama verib.

Məlumata görə, ölkə daxilində son 8 gündə qış şəraitinin pisləşməsi nəticəsində 70 nəfər həyatını itirib.

Həmçinin bildirilib ki, ölkə üzrə 70 min heyvanın tələf olub.

Əfqanıstanın qərbindəki Herat əyalətində qış mövsümü başlayandan küçələrdə yaşayan 45 narkotik aludəçisinin donaraq öldüyü açıqlanıb.

Əfqanıstanda iqtisadi böhran səbəbindən qışda odun və kömür ala bilməyən böyük bir aztəminatlı insan qrupu var.

Bundan əlavə, kənd yerlərində rəsmi uçotun aparılmaması da analoji itkilərin daha çox olacağı ehtimalını artırır.

Xüsusilə qış mövsümündə nəqliyyatın çətinliyi humanitar təşkilatların ehtiyacı olan ailələrə yardım çatdırmasını çətinləşdirir.

Busaat.az