Cənubi Amerika ölkəsi Ekvadorun şimalında əl qumbarasının partlaması nəticəsində 4 nəfər ölüb, 2-si isə ağır yaralanıb.
Busaat.az xəbər verir ki, bu barədə yerli media məlumat yayıb.
Belə ki, Santo Dominqo de los Tsaçilas ştatında evə basqın edən 6 nəfər hadisə yerindən qaçarkən avtomobildə unutduqları əl qumbarası partlayıb. Nəticədə maşında olan 6 nəfərdən 4-ü hadisə yerində ölüb, 2-si isə ağır yaralanıb.
Təhlükəsizlik kamerası görüntülərində bir evə atəş açan silahlıların bir müddət sonra avtomobilə mindiyi, ancaq bir neçə metr sonra avtomobilin partladığı görünür.
Ekvador mətbuatında çıxan xəbərdə hadisənin sentyabrın 4-də baş verdiyi paylaşılıb.
