Əlixan İsmayılov yenidən Qazaxıstanın baş naziri oldu

Əlixan İsmayılov yenidən Qazaxıstan hökumətinin başçısı təyin edilib.

Busaat.az xəbər verir ki, bu barədə Qazaxıstan Prezidentliyindən məlumat verilib.

Məlumata görə, prezident Kasım Cömert Tokayev Amanat Partiyasının sədri Yerlan Koşanovu qəbul edib.

Koşanov bildirib ki, görüş zamanı Əlixan İsmayılovun baş nazir postuna namizədliyinin irəli sürülməsi barədə qərar qəbul ediblər.

Tokayev daha sonra parlament binasında baş nazirliyə namizədlə məsləhətləşmələr aparmaq üçün parlamentdəki 6 siyasi partiyanın rəhbərləri ilə görüş keçirib.

Daha sonra Assambleyanın plenar iclasında iştirak edən Tokayev İsmayılovun adını baş nazirin ofisinə təqdim edib.

İsmayılovun baş nazir olması üçün səsvermədə iştirak edən 97 deputatdan 82-si lehinə, 7-si isə əleyhinə səs verib. Digər 8 deputat isə bitərəf qalıb.

Beləliklə, İsmayılov yenidən baş nazir olub.

Busaat.az