Elon Maskdan iranlılara dəstək: Starlink işə salındı

image-dc94db5a-3ee6-41df-9fe9-1af76410ea42elon-muskbackend

 Elon Mask İranda Starlink peyk internet sistemini işə salıb.

Busaat.az xəbər verir ki, Maskın bu addımı ABŞ-ın iranlılara təklif etdiyi internet xidmətlərinin əhatə dairəsini genişləndirməyə icazə verən ümumi lisenziya verdikdən sonra mümkün olub.

Belə ki, ABŞ dövlət katibi Antoni Blinkenin şəxsi Twitter hesabındakı paylaşımına cavab verən Mask, “Starlink-i aktivləşdiririk” şəklində şərh bildirib.

ABŞ Xəzinə Nazirliyindən verilən açıqlamada, sözügedən ümumi lisenziyanın İranda internet azadlığına dəstəyi artırmaq məqsədi ilə verildiyi bildirilib.

Starlink nədir?

Starlink kosmosa əsaslanan sistemdir. SpaceX şirkəti uzun illərdir ki, dünyanın internetə çıxışı təmin olunmayan yerlərində internetə çıxışı asanlaşdırmaq üzərində işləyir.

Elon Mask tərəfindən qurulan SpaceX, Starlink peykləri ilə yerin orbitində 12 min peykdən ibarət şəbəkə qurmağı planlaşdırır. Layihənin 2027-ci ildə başa çatdırılması nəzərdə tutulur.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90