Elon Maskdan Sorosa: "İnsanlığa nifrət edir"

Məşhur iş adamı Elon Mask Corc Sorosa sərt mesajlar göndərib.

Busaat.az xarici mediaya istinadən xəbər verir ki, Mask deyib:

“O (Corc Sorosu nəzərdə tutur – red.), sivilizasiyanı aşındırmaq istəyir”.

Sorosun törəmə şirkəti olan Soros Fund Management 2022-ci ildə Tesla-nın 42 min səhmini alıb. Tesla səhmləri birinci rübdə inflyasiyanın azalmağa başlayacağı və faiz artımının dayanacağı gözləntiləri fonunda 68 faiz bahalaşıb. Bundan sonra Soros Tesla səhmlərini satıb. Bu yolla o, xeyli qazanc əldə edib.

“Haber Global” xəbər verir ki, Soros Tesla səhmlərini satdıqdan sonra Mask “Twitter” hesabında Soros və X-Men-in cani Maqnetonu müqayisə edərək, “Soros mənə Magnetonu xatırladır”, – deyə yazıb. Magneto personajı Soros kimi Holokostdan sağ çıxandır.

Jurnalist Brayan Krassenşteyn Sorosun xoş niyyətinə görə hücuma məruz qaldığını yazdıqdan sonra Mask bu tvitinə, “Onların yaxşı niyyətləri olduğunu güman edirsən, amma elə deyil. O, sivilizasiyanı aşındırmaq istəyir. Soros insanlığa nifrət edir”, – cavabını verib.

Digər tərəfdən, Tesla səhmlərini satan Soros fondu Norfolk Southern Corp-un səhmlərini alıb.

Busaat.az