Elon Musk Medvedevin Twitter-dəki paylaşımını silməkdən imtina edib

Elon Mask Rusiya Təhlükəsizlik Şurasının sədr müavini Dmitri Medvedevin “Twitter” sosial şəbəkəsində daha əvvəl dərc etdiyi bəyanatı silməkdən imtina edib.

Busaat.az xəbər verir ki, “Twitter” abunəçilərindən biri Maskın diqqətini Medvedevin tvitinə yönəldib və o, Ukraynanın niyə daha heç kimə lazım olmadığını söyləyib.

Mask bütün xəbərlərin müəyyən dərəcədə təbliğat xarakteri daşıdığını, buna görə də insanların özləri qərar verməli olduğunu bildirib və əlavə edib ki, sözügedən platforma Rusiya dövlət strukturlarının hesablarını məhdudlaşdırmaq və ya təşviq etmək məqsədi daşımır.

Qeyd edək ki, ötən ilin aprelində “Twitter” “açıq internet”ə çıxışı məhdudlaşdıran dövlət orqanlarına bağlı hesabları olan sosial şəbəkə istifadəçilərini bloklayacağını açıqlamışdı. Şirkət bəyan etmişdi ki, tədbir ilk növbədə Rusiya hökumətinə təsir edəcək və 300-dən çox hesabı əhatə edəcək.

Busaat.az