Ərdoğan ABŞ-nin səfiri ilə görüşdən imtina etdi — Media

Türkiyə prezidenti Rəcəb Tayyib Ərdoğan ABŞ-nin Ankaradakı səfiri Ceff Flake ilə görüşdən imtina edib.

Busaat.az xəbər verir ki, buna səbəb səfirin Cümhuriyyət Xalq Partiyasından prezidentliyə namizəd Kamal Kılıçdaroğlu ilə görüşü olub.

“Baydenin elçisi nə edir? O, gedib cənab Kamalla görüşür. Ayıb olsun, beyninizi işə salın. Siz səfirsiniz. Buradakı həmsöhbətiniz prezidentdir. Bundan sonra prezidentlə görüşü necə istəyəcəksiniz?”, – deyə “Star” qəzeti Ərdoğandan sitat gətirib.

“Qapılarımız onun üzünə bağlıdır. Niyə? Qoy öz hüdudlarını bilsin”, – Ərdoğan sözlərini yekunlaşdırıb.

Qeyd edək ki, Türkiyədə prezident seçkiləri mayın 14-də parlament seçkiləri ilə eyni gündə keçiriləcək.

Busaat.az