Dəməşq və Ankara arasında sammitin keçirilməsi yalnız iki ölkə arasında münasibətlərin normallaşdırılması üçün “yol xəritəsi” hazırlandıqdan sonra gündəmə gələcək.
Busaat.az xəbər verir ki, bu barədə Rusiya prezidenti Vladimir Putinin Suriya üzrə xüsusi nümayəndəsi Aleksandr Lavrentiyev məlumat verib.
Lavrentiyev Rusiya, Türkiyə, İran və Suriya xarici işlər nazirlərinin müavinləri səviyyəsində dördgünlük görüş keçirdiklərini və burada Suriya-Türkiyə münasibətlərinin normallaşması üçün “yol xəritəsi”nin müzakirə edildiyini bildirib.
Qeyd edək ki, “Suriya” üzrə Astana danışıqlarının ilk günündə Türkiyə, Rusiya, İran və Dəməşq administrasiyasının nümayəndə heyətləri arasında Suriyanın normallaşması üçün “yol xəritəsi”nin hazırlandığı dördtərəfli görüş keçirilib. Türkiyə əlaqələri müzakirə edilib. İclasda Türkiyəni xarici işlər nazirinin müavini Burak Akçaparın rəhbərlik etdiyi nümayəndə heyəti təmsil edib.
Busaat.az
