Ərdoğan taxıl sazişinin uzadılması lazım olduğunu bildirib

 BMT-nin Baş katibi taxıl dəhlizinin işinin bərpası istiqamətində göstərdiyi səylərə görə Türkiyə prezidentinə təşəkkür edib.

Busaat.az xəbər verir ki, Türkiyə prezidenti Rəcəb Tayyib Ərdoğanla BMT-nin Baş katibi Antonio Quterreş arasında telefon danışığı olub.

“İndi İstanbul sazişinin müddətinin uzadılması məsələsinə bir daha diqqət yetirməliyik. Baş katib taxıl dəhlizinin yenidən işə salınması üçün göstərdiyimiz səylərə görə təşəkkür edib. O, Rusiya və Ukrayna ilə yüksək səviyyəli diplomatik təmaslarımız nəticəsində taxıl dəhlizinin yenidən işə düşməsindən razıdır” –deyə, Türkiyə prezidenti bildirib. Əlavə edək ki, Ərdoğan və Quterreş ümumilikdə Ukrayna ətrafındakı vəziyyəti də müzakirə edib.

Busaat.az