Ərdoğan Türkiyənin Rusiya ilə qaz təchizatı sahəsində əlaqələrini inkişaf etdirməyə davam edəcəyini bildirib
Türkiyə respublikaya təbii qaz tədarükü sahəsində Rusiya ilə əlaqələri inkişaf etdirməyə davam edəcək.
Busaat.az xəbər verir ki, bu barədə Türkiyə prezidenti Rəcəb Tayyib Ərdoğan Soçidə rusiyalı həmkarı Vladimir Putinlə danışıqlara başlamazdan əvvəl deyib.
“Bu əlaqələr bizim üçün çox önəmlidir. Rusiya ilə enerji sahəsində, xüsusən də təbii qaz sahəsində çox mühüm əlaqələrimiz var. İnanırıq ki, bu münasibət bundan sonra da inkişaf etdirəcəyik”, – Ərdoğan söyləyib.
O, əlavə edib ki, Türkiyə və Rusiya mərkəzi banklarının rəhbərləri də ikitərəfli ticarət çərçivəsində rus rublu və türk lirəsi ilə ödənişlərin müzakirəsi üçün danışıqlar aparacaqlar.
“Mərkəzi banklarımızın rəhbərlərinin görüşünü milli valyutalarla ticarət addımları baxımından ikitərəfli əlaqələr üçün çox vacib hesab edirəm”, – Türkiyə lideri deyib.
