Ərdoğanla Əsəd arasında görüş üçün zəmin axtarırıq.
Busaat.az xəbər verir ki, bunu Dubayda yerləşən Əl Ərəbiyyə televiziyasına danışan Rusiyanın Suriya üzrə xüsusi nümayəndəsi Aleksandr Lavrentyev deyib.
Son günlər Türkiyənin Suriyanın şimalında hərbi əməliyyata hazırlığı gündəmdə olsa da, Rusiyadan Ankara-Dəməşq münasibətləri ilə bağlı diqqətçəkən açıqlamalar verilib.
Belə ki, Dubayda yerləşən Əl Ərəbiyyə telekanalına danışan Lavrentyev Moskvanın prezident Ərdoğanla Suriya prezidenti Bəşər Əsəd arasında görüş təşkil etmək üçün çalışdığını açıqlayıb.
Lavrentyev deyib: “Biz belə bir görüşün ümumilikdə müsbət və faydalı olduğunu düşünürük və bu məsələ üzərində işləməyə davam edirik”.
Noyabrın 23-də oxşar tonda açıqlama verən Lavrentyev Ərdoğanla Əsəd arasında hər zaman görüş ehtimalının olduğunu bildirib.
Busaat.az
