Türkiyə prezidenti Rəcəb Tayyib Ərdoğan Fars körfəzi ölkələrinə 3 günlük səfərə yola düşür.
Busaat.az bu bardə Türkiyə mətbuatına istinadən xəbər verir.xəbər verir .
Səfər zamanı 50 milyard dollardan çox investisiya müqaviləsi imzalanacaq və Ərdoğanı 200-ə yaxın türk iş adamı müşayiət edəcək.
Ərdoğan Qətər, Birləşmiş Ərəb Əmirlikləri və Səudiyyə Ərəbistanı rəhbərliyi ilə danışıqlardan başqa, Türkiyənin Xarici İqtisadi Əlaqələr Şurasının həmin ölkələrdə təşkil etdiyi biznes forumlarda iştirak edəcək.
İdarə Heyətinin rəhbəri Nail Olpak səfərdən əvvəl jurnalistlərə açıqlamasında bildirib ki, görüşlərin yekunlarına əsasən tikinti və podratçılıq sektorları ilə yanaşı, səhiyyə, enerji, nəqliyyat, maliyyə, turizm və kənd təsərrüfatı sahələrində müqavilələrin bağlanması gözlənilir.
A Haber telekanalında danışan Türkiyənin vitse-prezidenti Cevdet Yılmaz konkret razılaşmalara ümid etdiyini bildirib.
“Bu, həm iki ölkədə, həm də üçüncü ölkədə uzunmüddətli layihələrə aiddir. Birbaşa sərmayələrin bir hissəsi dərhal, bəziləri isə gələcəkdə gələcək. Biz təsirli məbləğlər gözləyirik”, – deyə o, bildirib. .
Danışıqların ayrıca mövzusu Fars körfəzi ölkələri ilə müdafiə sənayesində əməkdaşlıq olacaq. Yılmaz və Türkiyənin maliyyə naziri Mehmet Şimşək bu yaxınlarda Qətərə səfərləri zamanı bu məsələni müzakirə ediblər.
Qeyd edək ki, bölgə turu Ərdoğanın Səudiyyə Ərəbistanına səfəri ilə başlayacaq.
Məlumata görə, Türkiyə bu ölkə ilə illik ticarət dövriyyəsini 30 milyard dollara çatdırmaq niyyətindədir.
Busaat.az
