“Ərdoğanın varisi Rusiya və Qərb arasında seçim edəcək”.
Busaat.az xəbər verir ki, bunu rusiyalı politoloq Dmitri Levi mediaya müsahibəsində deyib.
O bildirib ki, Türkiyənin hazırkı prezidenti Rəcəb Tayyib Ərdoğan may ayında keçiriləcək prezident seçkilərində qalib gələ bilməsə, onun yerinə Rusiyadan daha çox Qərblə əməkdaşlığa meylli lider gələ bilər:
“Ərdoğan təbii olaraq Türkiyənin maraqlarından çıxış edərək Rusiya və Qərb arasında balanslaşdırılmış əməkdaşlıq edir. O, kifayət qədər praqmatik mövqe tutur. Ərdoğan beynəlxalq münasibətlərin təhlilinə sistemli yanaşma nöqteyi-nəzərindən hamıya uyğun gələn statik və proqnozlaşdırıla bilən bir şəxsdir.
Lakin əgər Ərdoğan seçkilərdə qalib gələ bilməzsə qalib prezident özü ilə dəyişikliklər gətirməli olacaq. Bu isə yeni prezidentin Rusiya və Qərb arasında seçim etməli olacağı deməkdir”.
Busaat.az
