Ermənistan və Moldova ABŞ-nin rəhbərlik etdiyi genişmiqyaslı çoxmillətli hərbi təlimlərdə iştirak edəcək.
Busaat.az xəbər verir ki, bu barədə ABŞ Müdafiə Nazirliyi məlumat yayıb.
Bildirilib ki, sözügedən “Defender 23” hərbi təlimləri Avropada aprelin 22-də başlayacaq, iki ay davam edəcək və on Avropa ölkəsini əhatə edəcək.
ABŞ Müdafiə Nazirliyinin bəyanatında deyilir ki, bu hərbi təlimlərdə 26 müttəfiq və tərəfdaş ölkədən 9 000 ABŞ əsgəri olmaqla təxminən 17 000 hərbçi iştirak edəcək.
ABŞ-dən başqa, Albaniya, Ermənistan, Bosniya və Herseqovina, Bolqarıstan, Xorvatiya, Çexiya, Danimarka, Estoniya, Fransa, Gürcüstan, Almaniya, Yunanıstan, Macarıstan, İtaliya, Kosovo, Moldova, Monteneqro, Hollandiya, Şimali Makedoniya, Polşa, Rumıniya, Sloveniya, İspaniya, İsveç və Böyük Britaniya da “Defender 23” hərbi təlimlərində iştirak edəcək.
Busaat.az
