2022-ci ildə Avrasiya İqtisadi İttifaqına (Aİİ) üzv dövlətlərin iqtisadiyyatlarına birbaşa investisiyaların həcmi əhəmiyyətli dərəcədə artıb.
Busaat.az TASS-a istinadən xəbər verir ki, bunu Avrasiya İqtisadi Komissiyasının (AİK) İdarə Heyətinin sədri Mixail Myasnikoviç Bişkekdə keçirilən İnvestisiya Sammitində bildirib deyib.
“Ötən illə müqayisədə 2022-ci ilin birinci yarısında Aİİ üzv dövlətlərinə birbaşa xarici investisiyalar xeyli artıb” – deyə, sədr bildirib.
AİK Şurasının sədri bildirib ki, həmin dövrdə Ermənistan iqtisadiyyatına investisiyalar təxminən 5 dəfə, Belarusda 1,6 dəfə, Qazaxıstanda 2 dəfə, Qırğızıstanda isə 1,9 dəfə artıb.
O, bəyan edib ki, beynəlxalq ekspertlərin Aİİ ölkələrinin ÜDM-nin 7-10% azalacağı ilə bağlı proqnozları doğru deyil: “Əksinə, biz aktiv artım görürük”.
Mixail Myasnikoviç əmin edib ki, Aİİ biznesin dəstəyinə böyük diqqət yetirir. O cümlədən, İttifaqda 1300-ə yaxın məhsul gömrük rüsumundan azad edilib ki, bu da dolayı yollarla sahibkarlara 2 milyard dollar dəstək deməkdir.
Qeyd edək ki, Bişkek İnvestisiya Sammitində Aİİ ölkələrinin dövlət qurumlarının, Aİİ-nin müxtəlif agentliklərinin və Birlik ölkələrindən olan şirkətlərin nümayəndələri iştirak edirlər.
Busaat.az