Xəbər verdiyimiz kimi, ABŞ Ticarət Nazirliyi on ölkədən 28 hüquqi şəxsə, o cümlədən biri Ermənistanda qeydiyyatdan keçmiş şirkətə ixrac məhdudiyyəti qoyub.
Busaat.az xəbər verir ki, ABŞ Ticarət Nazirliyinin məlumatına görə, Ermənistandan sanksiyaya məruz qalan bu şirkətin hüquqi adı Yerevanda qeydiyyatdan keçmiş “Taco” MMC-dir.
“Taco” MMC və digər 27 şirkət ABŞ-nin sanksiya siyahısına salınıb, çünki ABŞ səlahiyyətlilərinə görə, onlar Rusiya şirkətlərinə mal tədarükünü davam etdiriblər.
“Taco” MMC-dən başqa, Rusiyanın “Milandr” şirkətinin Ermənistandakı törəmə şirkəti olan “Milur Electronics” MMC də oxşar ittihamlarla daha əvvəl – ötən ilin noyabrında ABŞ-nin sanksiyalar siyahısına salınmışdı.
Busaat.az
