Ermənistanda yeni rus məktəbləri açılır? - KİV

Hakimiyyətin Ermənistanın xarici siyasi vektorunun dəyişdirilməsi istiqamətində ardıcıl addımları son vaxtlar Rusiya hakimiyyətinin narahatlığına səbəb olub.

Busaat.az xəbər verir ki, bunu Ermənistan Respublikasının gündəlik qəzeti “Hraparak” yazır.

“Ermənistana müxtəlif emissarlar göndərilir, bizə deyirlər ki, onlar yeni, daha həyat qabiliyyətli müxalifət birliyi yaratmağa çalışırlar və lazım gələrsə, bundan Ermənistanın baş naziri Nikol Paşinyanın hakimiyyətinə qarşı istifadə edəcəklər”, – qəzet qeyd edib.

Bildirilir ki, Rusiya amilinin fəallığını Ermənistandakı fövqəladə və səlahiyyətli səfiri Sergey Kopırkinin məşhur rus adamlarının adını daşıyan İrəvan məktəblərinin direktorları ilə dünənki görüşü də sübut edir.

Sergey Kopırkin direktorlara məlumat verib ki, Ermənistanda yeni rus məktəblərinin açılması məsələsi müzakirə olunur.

Artıq Ermənistanda rus dilində təhsilə yardımla bağlı məsələlərlə məşğul olan işçi qrup yaradılıb.

Busaat.az