Ermənistanın KTMT-dən çıxması məsələsi gündəmdə deyil - Səfəryan

Əvvəllər Ermənistanın KTMT-dən çıxması məsələsi müzakirə olunurdu, indi isə gündəmdə deyil.

Busaat.az xəbər verir ki, bu sözləri Ermənistan xarici işlər nazirinin müavini Mnatsakan Səfəryan bildirib.

Səfəryan qeyd edib ki, məhz bu məsələ müzakirə olunanda Qriqoryanın özündən soruşmaq daha düzgün olardı. Nazir müavini bildirib ki, Ermənistan tərəfi KTMT sammitində öz suallarını təqdim edib.

Onun sözlərinə görə, erməni tərəfi sammitdəki müzakirələrin hansısa nəticəyə gətirib çıxaracağına ümid edirdi. Lakin bundan sonra işin davam etdirilməsi qərara alınıb.

“İş davam edir. Daha sonra Cənubi Qafqazdakı vəziyyətlə bağlı  müzakirələr olacaq və bu barədə məlumat verəcəyik. Vəziyyət mürəkkəbdir və Ermənistanın KTMT-nin üzvü olmaqla yanaşı, öhdəlikləri də var, ümid edirik ki, bizim işimiz müəyyən nəticələrə gətirib çıxaracaq”, – Səfəryan deyib.

Busaat.az